مۇتەخەسسىسلەر يېقىندا ئۇيقۇسىزلىق بىلەن يۇقىرى قان بېسىمنىڭ مۇناسىۋىتىگە مۇنداق شەرھى بەردى: «ياشانغانلاردىكى كېچىسى ئۇخلىيالماسلىق ۋە قۇلىقى غوڭۇلداش بىلەن يۇقىرى قان بېسىم ئارىسىدا مۇناسىۋەت بولۇشى ناتايىن، شۇنداقتىمۇ ياشانغانلار قان بېسىمىنى 24 سائەت تەكشۈرتۈپ ئېرىشكەن نەتىجىسىگە بېقىپ، دورىنىڭ مىقدارى ۋە دورا ئىچىش ۋاقتىنى تەڭشەتمىسە بولمايدۇ. بۇنىڭدىن باشقا، ياشانغانلار يەنە قۇلاق – بۇرۇن – كېكىردەك بۆلۈمىگە بېرىپ، كېچىدە قۇلىقى غوڭۇلداشنىڭ سەۋەبىنى تەكشۈرتۈپ داۋالانمىسا بولمايدۇ، چۈنكى بۇ خىل ئەھۋالنى يوقاتمىسا، قان بېسىمنى مۇقىملاشتۇرۇش تەسكە توختايدۇ».
ئەسلى مەنبە: ئۈرۈمچى كەچلىك گېزىتى
