بىر يىلدىكى تۆت پەسلىنىڭ نورمال ئۆزگىرىش قانۇنىيىتى ئەتىياز ئىللىق، ياز ئىسسىق، كۈز قۇرغاق، قىش سوغۇق بولۇشتىن ئىبارەت. تەبىئەت دۇنياسىدىكى بارلىق جانلىقلار تۆت پەسىلدىكى ھاۋا كىلىماتىنىڭ ئۆزگىرىشى ئاستىدا، تەبىئىيلا ماس بولغان ئۆزگىرىش ھاسىل قىلىدۇ، يەنى ئەتىيازدا (تۇغۇلۇش، پەيدا بۇلۇش)، يازدا ئۆسۈش، كۈزدە پىشىپ يېتىلىش، قىشتا ساقلىنىشتىن ئىبارەت. ئادەم بەدىنىدىكى فىزىيولوگىيلىك ئىقتىدارلارمۇ تەبىئەتنىڭ ئۆزگىرىشىگە ماس كېلىدۇ. تۆت پەسىل ئىچىدە ئورگانىزمنىڭ ماددا ئالماشتۇرۇش ئېلىپ بېرىشى بۇ قانۇنىيەتكە ماس كەلمىسە تۈرلۈك كېسەللىكلەر كېلىپ چىقىدۇ. يەنى «ئەتىيازدا شامالدىن، يازدا ئىسسىقتىن، كۈزدە قۇرۇقتىن، قىشتا سوغۇقتىن» تۈرلۈك كېسەللىكلەر كېلىپ چىقىدۇ. ئومۇملاشتۇرۇپ ئېيتقاندا، ئادەم تېنىنىڭ ساغلاملىقى بىلەن تەبىئەت دۇنياسىنىڭ ھەر بىر ھالقىلىرى زىچ مۇناسىۋەتلىك بولىدۇ.
