بالىلىق دەۋردە بەدەن ئىسسىقلىقى بەلگىلىك دائىرە ئىچىدە ئۆرلەپ، پەسىيىپ تۇرىدۇ. بەدىنى ئازراق قىزىپ قالغان بولسىمۇ، بەدەننىڭ ئومۇمىي ئەھۋالىدا ناچارلىشىش ئالامىتى كۆرۈلمىسە، كېسەللىك ھالەت دەپ قاراشقا بولمايدۇ. كىچىك بالىلار ئەمگەندىن كېيىن، كۆپرەك ھەرىكەت قىلغاندىن كېيىن، قېلىن كىيىندۈرۈش، ئىسسىق ئۆيدە ئولتۇرۇش قاتارلىقلارمۇ بەدىنىدە مۇلۇم قىزىقلىق پەيدا قىلىدۇ. لېكىن بۇنداق ھالەت بەك ئۇزۇن داۋام قىلمايدۇ، شۇنىڭ ئۈچۈن كىچىك بالىلاردا قىزىتما پەيدا بولۇپ قالغاندا، قىزىتمىنىڭ تاشقى سەۋەبىلىرىنىمۇ نەزەرگە ئېلىشقا توغرا كېلىدۇ.
كۆپىنچە ھاللاردا بالىلاردىكى قىزىتما بەدەننىڭ بىرەر يېرىدە يۇقۇملىنىش ياكى ياللۇغلىنىش بارلىقىنى چۈشەندۈرىدۇ، بەزى ئاستا خاراكتېرلىك ياللۇغلىنىشلاردا ئۇزۇنغا سوزۇلغان تۆۋەن قىزىتما بولىدۇ. زۇكام ۋە زۇكامدىن كېلىپ چىققان ھەرخىل يۇقۇملىنىشلار بولۇپمۇ نەپەس يوللىرىنىڭ ياللۇغلىنىشلاردا قىزىتما باشلىنىدۇ، تېز ئۆرلەيدۇ. بۇنداق ھاللاردا قىزىتمىنىڭ ئاساسىي سەۋەبلىرىگە قارىتا جىددىي داۋالاش ئېلىپ بېرىش لازىم.
